সীবলী পরিত্তং
০১। পুরেন্তং পারমী সব্বা সব্বে পচ্চেকনাযকা,
সীবলী গুণতেজেন পরিত্তং তং ভণাম হে,
ন জালিতীতি জালিতাবী আ, ঈ, উ, আম
ইস্বাহা বুদ্ধস্সামি বুদ্ধ সত্যম্ ।
০২। পদুমুত্তরো নাম জিনো সব্বধম্মেসু চক্খুমা,
ইতো সত সহস্সম্হি কপ্পে উপ্পজ্জি নাযকো।
০৩। সীবলী চ মহাথেরো সোরহো পচ্চযাদিনং,
পিযো দেব-মনুস্সানং পিযো ব্রাহ্মণমুত্তমং
পিযো নাগ সুপন্নানং পীনিন্দ্রিযং নমামহং।
০৪। নাসং সীমো চ মোসীসং নামজালীতি সংজলিং,
সদেব মনুস্স পূজিতং সব্বলাভা ভবন্তুতে।
০৫। সত্তাহং দ্বারমূল্হোহং মহাদুক্খসমপ্পিতো,
মাতা মে ছন্দদানেন এবমাসি সুদুক্খিতা।
০৬। কেসেসু ছিজ্জমানেসু অরহত্তমপাপুনিং
দেব নাগ মনুস্সা চ পচ্চযানুপনেন্তিমে।
০৭। পদুমুত্তর নামঞ্চ বিপস্সিং চ বিনাযকং,
সংপূজযিং পমুদিতো পচ্চযেহি বিসেসতো।
০৮। ততো তেসং বিসেসেন কম্মানং বিপুলুত্তমং
লাভং লভামি সব্বত্থ বনে গামে জলে থলে।
০৯। তদা দেবো পনীতেহি মমত্থায মহামতি,
পচ্চযেহি মহাবীরো সসংঘো লোকনাযকো।
১০। উপট্ঠিতো মযা বুদ্ধো গন্ত্বা রেবতমদ্দস,
ততো জেতবনং গন্ত্বা এতদ্গ্গে ঠপেসি মং।
১১। রেবতং দস্সনত্থায যদা যাতি বিনাযকো,
তিংস ভিক্খু সহস্সেহি সহ লোকগ্গ নাযকো।
১২। লাভীনং সীবলী অগ্গো মম সিস্সেসূ ভিক্খবো,
সব্বলোকহিতো সত্থা কিত্তযী পরিসাসু মং।
১৩। কিলেসা ঝাপিতা ময্হং ভবা সব্বে সমূহতা,
নাগোব বন্ধনং ছেত্বা বিহরামি অনাসবো।
১৪। সাগতং বত মে আসি বুদ্ধসেট্ঠস্স সন্তিকং,
তিস্সো বিজ্জা অনুপ্পত্তো কতং বুদ্ধস্স সাসনং।
১৫। পটিসম্ভিদা চতস্সো চ বিমোক্খাপি চ অট্ঠিমে,
ছল্হভিঞ্ঞা সচ্চিকতা কতং বুদ্ধস্স সাসনং।
১৬। বুদ্ধপুত্তো মহাথেরো সীবলী জিনসাবকো,
উগ্গতেজো মহাবীরো তেজসা জিনসাসনং।
১৭। রক্খন্তা সীলতেজেন ধনবন্তো যস্স্সিনো,
এবং তেজানুভাবেন সদা রক্খন্তু সীবলী।
১৮। কপ্পট্ঠাযীতি বুদ্ধস্স বোধীমূলে নিসীদযী,
মারসেনপ্পমদ্দন্তো সদা রক্খন্তু সীবলী।
১৯। দসপারমিতপ্পত্তো পব্বজী জিনসাসনে,
গোতমং সক্যপুত্তোসি থেরেন মম সীবলী।
২০। মহাসাবকা অসীতিসু পুন্নত্থেরো যস্সসিনো,
ভবভোগে অগ্গ্লাভীসু উত্তমঙ্গেন সীবলী।
২১। এবং অচিন্তিযা বুদ্ধা, বুদ্ধ-ধম্মা অচিন্তিযা,
অচিন্তিযেসু পসন্নানং বিপাকো হোতি অচিন্তিযো।
২২। তেসং সচ্চেন সীলেন খন্তি মেত্তবলেন চ,
তেপি তুম্হে অনুরক্খন্তু সব্বদুক্খ বিনাসনং।
২৩। তেসং সচ্চেন সীলেন খন্তি মেত্তবলেন চ,
তেপি তুম্হে অনুরক্খন্তু সব্বভয বিনাসনং।
২৪। তেসং সচ্চেন সীলেন খন্তি মেত্তবলেন চ,
তেপি তুম্হে অনুরক্খন্তু সব্বরোগা বিনাসনং।
এতেন সচ্চ বজ্জেন সোত্থিতে হোতু সব্বদা,
এতেন সচ্চ বজ্জেন সব্ব দুক্খ, সব্ব ভয, সব্ব
রোগ, সব্ব অন্তরায, সব্ব উপদ্দব বিনাস্সন্তু,
এতেন সচ্চ বজ্জেন হোতু তে জয মঙ্গল'ন্তি।
সাধু সাধু সাধু।
0 Comments